Hvers á ég að gjalda?

Bankað á dyrnar hjá mér.
Dyrabjöllu hringt.

Ég fór grunlaus til dyra, hélt að misþroska barn
væri að selja harðfisk fyrir misvelgefna burtflutta
Eirbekkinga sem fluttust búferlum til Súðavíkur,
vegna sandfoks frá vikurtöku við Heklurætur á
árunum 1974 til 1979. Í von um betra líf.

En skjátlaðist.

Þarna var Laggan maður.

Tveir svartklæddir menn á miðjum þrítugsaldri, með beisbollhúfur sem stóð á
með lögum skal land byggja.

Höfðu fengið fréttir af skringilegu aksturslagi, og spjótin beindust að mér.
Ég var snöggur að hugsa.

Beggi. Taka spjótin úr garðinum.

Aníhá.

þeir fullyrtu að ég hafi ekið fullur heim.

Ég sagði náttúrulega að það væri fáránlegt.

Þeir sögðu að 47 manna misslasaður skokkhópur hafi borið kennsl á bílinn.

Ég lagði fram kæru á skokkhópinn fyrir að hafa borið kennsl á bílinn, því ef það er eitthvað sem eyðileggur bónhúð, þá er það kennsl.

Þá voru þeir rosa leiðinlegir og spurðu mig hvort ég gerði mér grein fyrir því að það væri
blaðberi fastur undir hægra framhjólinu?

Ég neitaði, og kærði hann fyrir að reyna að stela því.

Þeir sögðu mér að hann hafi sagt þeim að hann hafi verið þarna síðan í gær.

Ég hugsaði. HMMM.

Þessvegna kom Fréttablaðið ekki í morgun.
En var samt soldið kúl.


Þetta var næstum því að ganga upp þegar þeir spurðu mig hvort ég væri vanur að leggja bílnum mínum í garði nágrannans.
Þá áttaði ég mig á því að það var búiðað stela innkeyslunni minni.

Og kærði það.

immagaddus segir...........