Allt gott tekur enda.

Fer á sjóinn í dag aftur.
Vona að veðrið á Ísó sé svona gott.

Sé ykkur eftir þrjár vikur.


Immagaddus segir........................

Hlauptu fjölskylda. Hlauptu!

Fréttir í dag og í gær.
( Hvítabjarnartengt)
Pólskir ferðamenn taka til fótanna.

Fréttir bráðum.

Pólskir verkamenn taka til fótanna.
( Launatengt)...


Immagaddus segir..........

Njótið.

Þegar að er gáð, er þetta yndisleg jörð.

Þetta er fyrir Bjössa og Steina.


immagaddus segir.........

Enn og aftur.

Nú hafa Pólskir ferðamenn rekist á Hvítabjarnaspor
á Hveravöllum, en þa ku vera aðeins
fjarri þeim stöðum þar sem hinir birnirnir sáust.

Semsagt þriðji björninn?

Af einhverjum ástæðum hefur hann samt skilið
sólgleraugun sín eftir.

Er kannski ekki eins áberandi án þeirra,
en með þau á hausnum.



Immagaddus segir.....................

Vanhugsað?

Snillingarnir í Legó, í samstarfi við snillingana hjá Kelloggs.
Hafa komið upp með og ætla að maraðssetja legókubba úr
hlaupi.

Gáfulegt.
Foreldrar eru búnir að ala upp kynslóðir af börnum sem
vita að legókubbar geta staðið fastir í hálsinum á þeim.

Þessvegna má ekki borða kubba.

Síðan á að setja svona sælgæti á markað.

Þetta eru skilaboð til barna að það er allt í einu hægt og
leyfilegt að borða kubba.

Vonandi deyr engin við þetta.

Immagaddus segir.............

Jæja.

Beckham brenndi sig á pungnum

Beckham er heitur, sjóðheitur.

Fótboltakappinn David Beckham þykir heitari í útliti en meðalmaðurinn. Það hitnaði þó heldur undir kappanum á dögunum, í orðsins fyllstu merkinu, þegar hann var á rúntinum í Los Angeles.

Eins og sannri stórstjörnu sæmir ekur Beckham um á forláta jeppa með hita í sætum. Einhver bilun varð hinsvegar í hitastillinum sem varð þess valdandi að sætið ofhitnaði og olli það Beckham greinilega miklum áhyggjum.

Áhorfandi sem varð vitni að atburðarrásinni segir að ljósmyndarar hafi verið á hælum Beckhams. Hann hafi keyrt í gegnum borgina en skyndilega opnað rúðuna, hægt ferðina og horft með skelfingaraugum niður í klofið á sér. Til að losna við hitann renndi kappinn púða undir djásnið á sér.

Tekið af Dv.is

Er þetta það markverðasta í fréttum í dag???

Immagaddus segir................

Útlönd.

Mig langar til þessa staðar í Þýskalandi.



Immagaddus segir..................

Síðustu dagar.

Enn svolítið um Hvítabirni.

Ef þessir tveir Hvítabirnir hafa ekki kennt okkur eitthvað? Þá?

Djöfuls aumingjar er mannkynið að verða.
Samkvæmt þróunarkenningunni eigum við að þroskast.
Samkvæmt síðustu dögum, virðumst við vera að þroskast
úr heimskum apamanni í heimskann mannapa.

Við erum orðinn alltof hrædd við að vera rándýrið, sem við erum.
Því við gætum móðgað einhvern með því.

Jafnvel ánamaðkar eru rétthærri en við, samkvæmt tímaritinu
Treehuggers Daily.

Ja. hérna.

Ef náttúran fer ekki að taka eftir þessu þá?

Það byrjar svona.

Hey! PZZZZZ!

Hey! þið þessi dýr þarna úti.

Hafiði heyrt það sem ég hef heyrt.

Manneskjurnar hafa breyst í algera aumingja.

Förum að birtast einhversstaðar upp úr þurru og
sjáum þær tryllast.


Þá endar þetta ekki sem best.


Immagaddus segir................

Aldrei skal!

Aldrei skal.


Eftir að hafa lesið þessa grein er málið þetta:

Ef þú ert einn á ferð.
Þá farðu eftir því sem greinin segir.

Ef hinsvegar þið eruð fleiri á ferð.

Þá gefurðu skít í greinina.
Hleypur eins hratt og þú getur.

Þú þarft EKKI!, að geta hlaupið hraðar en Hvítabjörn.
Bara hraðar en einhver úr hópnum.


Immagaddus segir......................

Heim.

Góð mynd. Léleg gæði.

Var að hreinsa út af símanum mínum.

Þessi mynd tekin í vetur.
Ég labbandi heim af Ölver.


Immagaddus segir..........

Aðgerðaráætlun.

það er aðeins árið 2008.
Tveir birnir dauðir.

Einn í aðgerðarsviðinu sem var með
í að skrifa áætlunina.

Kom með hugmynd.

Af hverju setjum við ekki bara upp bjarnastýrandi skiltum?
Þá vita þeir hverju þeir eiga von á ef þeir ætla að
koma hingað ólöglega, og láta engan vita.

Þetta var samþykkt.

Þessi varúðarskilti hafa nú verið sett
upp frá Hvestu til Langaness til að
vara Hvítabirni við að koma til lands.


Immagaddus segir.

24. Spurningar.

1. Hvaða lifandi manneskju lítur þú mest
upp til og hvers vegna?

Svar: Halim Al. Og fyrir að gefast aldrei upp.

2. Fyrsta minningin?

Svar:
Bleyta ylur og myrkur.
Skyndilega þurrt og ótrúlega mikil
lýsing. rassskellur og skæri.

3. Mestu vonbrigðin?

Svar:
Að vera ekki til staðar.

4. Hvað gerir þig dapran.

Svar:
Tillitsleysi.

5. Leiðinlegasta vinnan?

Svar:
Hef verið svo lánsamur að líta ekki á vinnu
sem leiðindi.

6. Uppáhalds bókin?

Svar:
Svo segir Saraþústrsa.

7. Ertu góður kokkur, og hvað eldarðu hvunndags?

Svar:
Nei. Grátt silfur.

8. Ef gerð yrði kvikmynd um þig og þína ævi?
Hver myndi leika þig?

Svar:
Bergvin á unga aldri. Steve Bushemi.
Bergvin eldri. Dennis Hopper.

9. Hvað er það dýrasta sem þú hefur keypt?

Svar:
Sálina mína aftur.

10. Hvað er mesta skammarstrikið.

Svar:
Fyrir mörgum árum var ég í þrælkunarbúðum
í Lambadal.
Þar var alveg gersamlega óþolandi karl.
Setti amk. 2 skammta af sykri í bensíntankinn hjá
honum, ásamt syni bóndans.

Viti menn vélarbilun.

Ps.
Setti ekki son bóndans í eldsneytistankinn
ásamt sykrinum.

11. Hvað er hamingja.

Svar:
Sú tilfinning sem þú upplifir.

12. hverjir eru þínur helstu gallar?

Svar.
Ég.

13. Ef þú værir með ofurmannlega hæfileika, hvernig myndir þú nota þá?

Svar:
Byrja á því hvort ég gæti kíkt yfir í kvennasturtuklefann í vesturbæjarlauginni.
Klára með því að þurrka út það sem ég sá.

14. hvernig tilfinning er ástin.

Svar:
Eigingirni.

15. Hvað grætir þig?

Svar: Að fólk horfi á sápuóperur.

16. Hefur þú verið í lífshættu?

Svar:
Já.

17. Hlutir sem þú metur mest.

Svar:
Vinir, sólbað í garðinum,bjór og góðar hægðir.

18. Hvað gerir þú þegar þér villt líða vel?

Svar:
Tala við Chris yfir nokkrum köldum, svo svíkur ekki að tala við Bjössa
þótt hann sé utanbæjarmaður.

19. Styrkur.

Svar:
Alveg endalaust langlundargeð.

20. Hvað langaði þig til að vera þegar þú varst lítill?

Svar:
Stærri

21. Er gott að búa á Íslandi?

Svar:
Já.

22. hefur þú bjargað lífi einhvers.

Svar:
Já.


Immagaddus segir..................

Blekkingar.

Konur taka sig til áður en þær fara út að
skemmta sér.
Mála og sparstla.

Við karlmenn:
Nærbuxur án bremsufara.

Og ekki skemmir það fyrir hvoru kyninu sem er,
að velja sér bólfélaga fyrir nóttina undir
áhrifum áfengis.

Fór fullur heim með konu í gær.

Fyrri mynd:
Fullur, nýkominn í land. JÖMMÍÍÍ!!!!!!!!!!!!!!!!!!!!!!!!!!

Seinni mynd:
Ný vaknaður, þarf að hverfa hljóðlega.


Immagaddus segir.....................

Sjómennskan er ekkert grín.

Það bið´allir eftir sumrinu,
en biðin var laung og straung.
Bátarnir lágu bundnir við kajann,
í kinnungunum saung.

( Bubbi)

Aldrei komst ég suður.

Svona var á Flateyri 16 júní 2008.
Myndir teknar af Gunnari Erni. kafteini á Baldri.


immagaddus segir...................

Hvítabjörn! Hvítabjörn!!

Í dag er ég stoltur af því að vera Íslendingur!

Við fögnum þjóðhátíðardeginum okkar með
að drepa Hvítabjörn.

Toppi aðrað þjóðir það.

En að kaldhæðni slepptri.

þá.

Hvítabjörninn hinn fyrri sýndi okkur það.
Að hafa viðbragðsáætlun við hlutum sem þessum.

Þessvegna var seinni björninn veginn eftir miklu lengri tíma
eftir að hann var uppgötvaður.

Viðbragðsáætlunin hljómar svona.

Ef hvítabjörn sést á landinu skal.

1. Athuga hvort hann sýni viðbrögð.
2. Ef hvítabjörninn sýnir viðbrögð.
3. Skjót´ann.
4. Ef hvítabjörninn sýnir engin viðbrögð.
5. skjót´ann seinna.



Immagaddus segir..................

Þeir biðu þangað til að

Að tala við Guð.

Að tala við Guð er eins og að reyna að ná
sambandi við ofvirkt barn með athyglisbrest.

,Eða það sem verra er.

Hringja í þjónustuver og komast að því að
þegar þú ert kominn í samband.
þá er það sem þú ætlaðir að láta uppfæra.
Orðið úrelt.,

Maður talar endalaust við sjálfan sig.

Svo kemur það.

Úps.

þú ert númer eitt.

Og hann hlustar.
Og hann svarar.

Maður heyrir ekki svarið, svona beint.

Heldur.......

Er það meira svona vitneskja.

Sátt og ró?

Ekki endilega.


Flaug þetta bara í hug vegna þess að
lítil stelpa tengt einum besta vini mínum í
heiminum er að búa sig til brottfarar.


Ps.
Er svolítið reiður út í Guð núna.


Immagaddus segir..............................

Landhelgisgæzlan

Landhelgisgæzlan fór í ískönnunnarflug í dag.

Niðurstaðan er sú að ódýrasti ísinn er hjá
Verslunninni tíbrá sem er staðsett í
miðbæ Ófeigsfjarðar.


Immagaddus segir...................

Jæja.

Enn ein inniveran búin.

Höldum á sjó í dag.

Heyrumst hress eftir
tæpar þrjár vikur.


Immagaddus segir............

Afmæli.

Gísli Óli Jónsson á afmæli í dag.
68. ára er hann karlinn.

Í tilefni dagsins tók þetta gamla bros sig upp.

Hann tekur á móti.



Immagaddus segir....................