Í dag.

Labbaði mér upp í bæ í hádeginu eftir
að hafa reynt að draga bátinn af handafli
að bryggju.

Stóð þannig á að það var næstum
háflóð og vindur þannig að báturinn var
vel frá kajanum.

En semsagt.

Fór og fékk mér Bæjarins Bestu.
Á undan mér voru þrír MR-ingar.
Sem voru sjálfsagt að læra eitthvað
afskaplega mikilvægt.

Einn þeirra, lágvaxnastur.

Í síðum rússskinsfrakka með
Ástalíusniðinu.

Lét gamminn geisa um hversu
frábært það yrði þegar að hann / þeir,
yrðu orðnir gamlir menn og komnir inn
á elliheimili.

Gæsalappir opnast.

Strákar þetta verður æðislegt.
Ég er að segja ykkur það.
Þegar við verðum gamlir, verðum við
að reyna að komast á sama elliheimilið.

Ég hef komið á svona pleis.
Gamla fólkið hefur það alveg frábært.
Það er eldað ofaní það þrisvar á dag.

Alltaf kaffi og kökur á milli.
Og það þarf ekki að gera neitt.

Lifir bara á ellilífeyrir og hefur það
fokkans flott.

Horfir á sjónvarp allann daginn.

En auðvitað verður þetta allt breytt þegar við verðum gamlir.
Þá höngum við náttúrulega í tölvuleikjum allann tímann.

Endurvekjum Quake maður.

Gamla fólkið sem er þarna núna er ekkert í tölvum maður.

Því þegar það var að alast upp, voru ennþá til sveitir og
hestar maður.

Það horfði bara á rollur út um gluggann.

Djöfull verður gaman þegar við verðum gamlir maður.

Gæsalappir lokast.

Mikið svakalega langaði mig til þess að rigna á skrúðgönguna
hans og segja honum að þetta komi ekki endilega til með að
virka svona.

En.

Það var smá sannleikskorn í þessu hjá honum.


Immagaddus segir.......................