Pirringur dauðans...

Ég er svo pirraður á allt og öllu núna að mig langar helst til að taka frönskunámskeið í því að kveikja í bílum.
Það sem er helst að pirra mig að dagurinn er enn að styttast, kólna, kólna meira og meira og meira og meira og meira. Og meira.
Verkalýðsforustan lét ríkistjórnina plata sig aftur.
Þessir háu herrar hugsa sér nú gott til glóðarinnar og eru akkúrat í þessum rituðu orðum að ákveða hversu mikla pjénínga þeir ætla sér fljótlega uppúr febrúar, þegar við horgemlingarnir erum búin að fá okkar 2,7 % eða 3,1 %. Sem er alveg fáránlega lágt, hvort sem um hækkun á launum er að ræða eða prósentuhlutfall af rúmmáli alkóhóls í bjór.
Kvintfeis Tarntúlla er víst á skerinu og hópast nú hver sem betur getur til að snobba fyrir þessu fyrirbæri.
Jú hann er búinn að gera nokkrar myndir...........En hvað með það.
Afhverju erum við svona miklir sökkerar fyrir selebrittíum(*). Köllum þá Íslandsvini,Tengasyni og eða dætur Íslands. Þetta lið telur lifnaðarhætti okkar fáránlega og skipar okkur sess mitt á milli Men Thal li il og Ri diggi ó lús.
Gerir enginn sér grein fyrir að það er allstaðar hlegið að smáborgaraskapnum í okkur.
Annars er Kvintfeis það stropaður að hann gæti alveg eins fengið sér íbúð við hliðina á Bobbí fischcunt. Eða það sem er betra. Ísbúð við hliðina á Hebba.

(*)Það skal tekið fram að Selebrittíum er ekki frumefni og finnst hvergi í lotukerfinu.

Já ég er pirraður.
Pirraður yfir því að það sé ekki ennþá búið að koma manni á óvart, þegar það er löngu búið að koma manni á tunglið.

Afskaplega pirraður yfir orðinu bréfsefni. Sem hlýtur að vera annað orð yfir tré.
Pirraður yfir því að hreindýrakjöt skuli vera svona dýrt, en við því er ekkert að gera. Það var svo erfitt að flytja það hingað fyrr á öldum.
Af hverju fluttu þeir ekki helvítis draslið bara hingað á öldum ljósvakans í staðinn fyrir öldum Atlandshafsins.
Miklu fljótlegra.
Drullu pirraður yfir því að fá ekkert almennilegt að éta hjá eitraða dvergnum sem sér um mötuneytið.
Og síðast en ekki síst Pirraður yfir öllum andskotans Walt Disneymyndunum sem hafa verið framleiddar. Fyrir utan Bambi. Æðislegt þegar mamm´ans var skotin.


Immagaddus segir.......................